Xifaniso lexi na lexi xi nga ehansi xi kombisa Belinda Cowden, Senior Manager wa xiyenge xa  Institutional Housing a ri na vatirhikulobye va khomile awadi va ri  e Spier Hotel Stellenbosch.

 

 

 

 

 

 

 

 

Ndzawulo ya Co-operative Governance, Human Settlements and Traditional Affairs (CoGHSTA) ya Limpopo hi leyi a yi vuriwa ya Mimfumo ya Miganga (local Government and Housing). Vito leri rintshwa ri katsa mafumele ya timasipala, vutshamo bya vanhu na timhaka ta swa vukosi. Yi rhangeriwile hi MEC Soviet Lekganyane.

Ndzawulo yi tlherile nakambe yi kuma awadi ya nkoka yo va ku tirhiwile no hundzuluxa vutshamo bya  khale ka tihositele ta le Seshego ku va ndzhawu yo tshama vaaki. Ntirho wa kona wu endleriwile eKapa laha a ku nyikiwa tiawadi ta lembe na lembe ta Southern African Housing Foundation (SAHF) ku sukela hi ti 11 ku fika ti 14 Ndzati 2011. Nhlangano lowu wa SAHF wu tlhoma tinsiva eka vanhu ntsena ni minhlangano leyi yi tluleke yin’wana eka ku hluvukisa miganga.

 

 

 

 

 

 

 

Loko a kombisa matitwele ya yena MEC Soviet Lekganyane u kombisile ntsako a vula leswaku a hi ro hetelela ku va Ndzawulo ya yena yi ta kuma rin’wana sagwadi. U te ku kuma sagwadi ra kona swi komba ku tinyiketa eka swa tindlu ni ku hluvukisa tindhawu eka Xifundzhankulu.

Loko swi fika eka ku aka tindlu ta vaaki SAHF yi humesela ehandle eka matiko ya misava timhaka ta nkoka to fana na mafambiselo, ku pulana, mbango, ku aka, maakelo yo hambanahambana, swa timali na leswi swi nga na lunghelo eka swa tindlu ta mfumo kumbe ta mani na mani.

Xiviko na swifaniso hi va CoGHSTA

Imeyili: editor@matimunews.co.za